MAWAR ABANG PUNGKASAN

Ing sangisore uwit randhu
Pinggir dalan naga geni
Satengah-tengah swara wesi tua
Kang padha kumliwer

Anganthi paseksen netra langit
Kang ngatonke cahya purnama
Aku lan sliramu nate andum prasetya
Janji menis bakal urip bebarengan salawase

Lumintang ing angkasa
Padha bungah amriksani
Rikala aku paring kembang mawar abang
Lan ndak cunduke ing rikmamu
Anambah manise esem sing tak anti

Ing sangisore kembang randhu
Sliramu pamit
Bakal gayuh ngilmu
Kanggo cagak laku urip

Ing sangisore kembang randhu
Mawar abang mau dadi pungkase
Patemon sing bakal anambah rasa kangen
Nalika ati lumaku ing wektu
Lan aku isih gawa janji prasetyaku

J Sumarto 27 05 16